Verið óhrædd

Ég vil með þessari færslu benda fólki á að vera alveg óhrætt þegar kemur að því að skreyta veggina heima hjá sér. Það er ákveðið "öryggi" í því að mála bara veggina ljósa og kannski einn og einn vegg í öðrum lit eða veggfóðra hann.  En það eru svo margir aðrir möguleikar til, til dæmis er hægt að fá vegg límmiða í öllum stærðum og gerðum, svo má stensla alls kyns skraut á veggina og mála nú eða bara láta listamanninn í sér blómstra og fá útrás á veggina fríhendis. En umfram allt: Verið óhrædd, það er alltaf hægt að mála yfir ef eitthvað fer úrskeiðis:)

Veggfóður

Veggfóður eru mjög móðins núna og eru búin að vera lengi. Það eru til ógrynni af fallegum veggfóðrum. Sumir virðast halda að þau verði að vera ein og sér á veggnum án allra "truflana". En eins og meðfylgjandi mynd sýnir þá er mjög smart að hengja til dæmis myndir upp á vegg yfir veggfóðrið. Það er sko alveg leyfilegt og kemur meira að segja mjög vel út.

Augnakonfekt

Ég rakst á þessa fallegu mynd af skóhillu/skóherbergi, sem ég féll fyrir. Þessi íbúð er í París, ég vildi að þetta væri mín íbúð!! Fallegur stóll í barokk stíl gefur rýminu flottan kontrast. Love it!!

Öðruvísi rúmgafl

Mér hefur alltaf fundist erfitt að velja hvernig rúmgafl ég vil hafa á rúminu mínu.  Hér er öðruvísi og töff hugmynd, ef herbergið er ljóst og létt er mjög flott að hengja fötin upp á bak við rúmið.  Falleg föt í öllum regnbogans litum og mismunandi munstrum þjóna hér tilgangi rúmgaflsins. Mjög töff að mínu mati, ég held ég viti núna hvernig gafl ég vel næst:)